Formación

Os obradoiros e as asociacións profesionais de artesáns que estean interesados en participar no deseño da oferta formativa pódenlle facer chegar as súas propostas á Fundación Centro Galego da Artesanía e do Deseño a través do correo electrónico formacion.artesania@xunta.gal ou do fax 881 999 170.

ESTÁ TODO NO DETALLE - Acabados e remates para bixutería

A Coruña

Docente: Charmian Inman

Datas: 11, 12, 18 e 19 de novembro

Horario: 10:00 a 14:00 e de 16:00 a 20:00 horas

Total horas: 32 

Contido:

Mellora técnica e formación:

• Técnicas específicas - fundición en area, traballo básico en astillera, para mellorar e personalizar o produto.

• Remates, nós, fornituras para bixutería.

O produto no mercado:

• Prezos

• Presentación

Ampliar info

Do patrón a un branco según a visión do deseñador Shingo Sato

Gondomar (Pontevedra)

Docente: Shingo Sato

Datas: Do 21 ao 25 de outubro

Horario: 10:00 a 14:00 e de 16:00 a 20:00 horas

Total horas: 48

Obxectivo: Os participantes adquirirán a destreza e o coñecemento necesario para a creación de pezas de moda aplicando a recoñecida técnica de Origame empregada polo modisto e creador xaponés Shingo Sato. Está previsto traballar en tres pezas diferentes.

 

Comunicarase o listado de participantes seleccionados o día 6 de outubro. Os alumnos ou alumnas seleccionados deberán aportar o seguinte material:

Común aos tres traballos: busto de modista, prancha, mesa de pranchar, máquina de coser, bolígrafos (4 cores), rotuladores grosos (4 cores), fío para coser, papel de agasallo (2 rolos de cores lisos).

Teas:

Peza 1: 2 metros de retor ou lenzo, 1 metro de algodón cor lisa, 1 metro algodón estampado, 1 metro satén, 1 metro de denim ou vaqueiro.

Peza 2: 2 metros de retor ou lenzo, 1 metro de algodón cor lisa, 1 metro algodón estampado, 1 metro satén, 1 metro de denim ou vaqueiro.

Peza 3: 2 metros de retor ou lenzo, 1 metro de algodón cor lisa, 1 metro algodón contraste

 

 

Ampliar info

Curso de Instagram (REALIZADO)

Cidade da Cultura - Santiago de Compostela

Impartido por José Lourenço @joseloureco

Unha boa presenza en Instagram serve para dous grandes propósitos: promocionar o negocio e involucrar aos seus seguidores, sempre co contido máis inspirador e atractivo. Son varias as características da rede social, que se mantén fiel ao seu carácter espontáneo e móbil, e neste curso poderase aprender a empregalas correctamente a través dunha parte teórica e unha práctica onde os inscritos fotografarán o interior e o exterior do espazo.

Dirixido a público en xeral interesado en ter éxito en Instagram ou perfeccionar o seu feed

Luns, 2 de outubro, de 11:00 a 14:00 e de 16:00 a 19:00 horas

Número de prazas: 15 

 

Prezo matrícula: 30€

Ampliar info

Fotografía de comida: Técnica e arte (REALIZADO)

Cidade da Cultura - Santiago de Compostela

Impartido por José Lourenço @joseloureco

O artista plástico e fotógrafo José Lourenço amosará técnicas de iluminación, encadre, composición, e moito máis para a captura perfecta de alimentos, unha arte na que o coñecemento é fundamental. O obxectivo é aprender técnicas de fotografía de alimentos para atender ao mercado publicitario, editorial e de restaurantes; para ilustrar menús, revistas, anuncios e outros contextos da fotografía de alimentos profesional.

Dirixido a persoas que desexen entrar no mundo da fotografía ou perfeccionar o seu traballo neste eido.

Domingo, de 11:00 a 16:00 horas

Número de prazas: 15 

Prezo matrícula: 30€

Ampliar info

Obradoiro de fotografía para artesáns (REALIZADO)

Agolada (Pontevedra)

Docente: Peter Schneider

Datas: 8 e 9 de xullo

Horario: De 11.30h a 14.00h e de 16.00h a 21.30h

Nº prazas: 12

Prezo matrícula: 35 euros

Contido: Dirixido a profesionais da artesanía que desexen realizar fotografías dos seus produtos para a súa promoción en redes sociais ou páxinas web. Ensinaranse as funcións básicas da cámara, o lente e osu uso. Diafragma, obturador, histograma, enfoque e outros programaas. Os alumnos deben de aportar a súa propia cámara dixital de visor simple ou réflex, e portátil se o desexan.

Ampliar info

CAMPUS DOS OFICIOS 2017. A MADEIRA “DA ARTESANÍA Á INDUSTRIA, CAMIÑOS DE IDA E VOLTA” (realizado)

Agolada (Pontevedra)

"Campus dos oficios" é unha xornada de diálogo anual entre axentes representativos da artesanía, a arquitectura, o deseño, a industria e a xestión do sector da madeira en Galicia. Celebraranse mesas de debate que abordarán o valor deste material, dende a perspectiva da súa natureza intrínseca forestal, a súa primeira transformación no campo da industria, e ata chegar aos valores propostos polos produtos finalmente transformados mediante canais artesanais ou  semiartesanais.

 O obxeto dos Campus é poñer  en contacto dunha forma transversal, aos nomes propios da artesanía e industria, os materiais e os diferentes procesos técnico-produtivos que conviven no mundo actual co obxectivo de abrir una xanela imprescindible de enriquecemento, nun espazo tradicional de alto valor histórico e etnográfico para o intercambio comercial, como son os pendellos de Agolada.

 

Sábado 8 de xullo

11.30 Recepción dos participantes na Praza do Concello e visita á feira

 

12:30 Presentación do proxecto polo coordinador Luis Gil  e conferencia do convidado 2017 o deseñador e arquitecto Pedro Feduchi

 

16: 30 Mesa de debate e discusión aberta

 

Pedro Feduchi – Madrid

Deseñador e arquitecto


Luis Gil Pita - Santiago de Compostela [A Coruña]

Arquitecto e coordinador proxecto

Xulio Turnes. Arquitecto e deseñador  

Domohomo arquitectos - Santiago de Compostela [A Coruña]

 

Óscar e Iván Andrés Quintela, arquitectos

Arrokabe arquitectos.

ARKB sistemas. Sistemas modulares de arquitectura en madera - Santiago de Compostela [A Coruña]

 

Elías Cueto

Doutor arquitecto, Responsable I+d seistag - Bertamiráns - Ames [A Coruña]

Xerardo Triñanes. Carpinteiro de ribeira

Asteleiros Triñanes - Boiro [A Coruña]

 

Frank Burschamann. Deseñador Industrial e ebanista  

Woodworks Buschmann Bella - Corcubión [A Coruña]

 

José Manuel Parada Rodríguez

Xerente Grupo Molduras - Cambre [A Coruña]

 

Fernando Segade Castro

Responsable Desarrollo de Negocios Grupo FINSA - Santiago de Compostela [A Coruña]

 

Montserrat Rodríguez Ogea

Técnico GAIN CIS-Madeira - San Cibrao das Viñas [Ourense]

 

Juan Picos Martín

Secretario da Escola Enxeñería Forestal de Pontevedra. Universidade de Vigo

Ampliar info

Obradoiro de debuxo na rúa con Urumo (REALIZADO)

Agolada (Pontevedra)

Docente: Alfredo Ugarte "Urumo"

Datas: 8 e 9 de xullo

Horario: De 11.30h a 14.00h e de 16.00h a 21.30h

Nº prazas: 20

Prezo matrícula: 25 euros

Contido: O debuxante de cadernos Urumo guiará na arte do debuxo de rúa. Previamente, elaborarase un caderno coa axuda do encadernador Pablo Otero Pino, en forma de acordeón co fin de debuxar nel. O domingo, amosaranse os cadernos rematados e un xurado será o encargado de decidir cal é o mellor caderno, que recibirá un agasallo de produtos de Artesanía de Galicia.

 

 

Ampliar info

Obradoiro de ourivaría (REALIZADO)

Agolada (Pontevedra)

Docente: Susi Gesto

Datas: 7, 8 e 9 de xullo

Horario: De 11.30h a 14.00h  e de 16.00h a 21.30h

Nº prazas por sesión: 4

Prezo matrícula: 20 euros

Contido: Traballarase na evolución e historia da ourivaría compostelá e nas principais técnicas de deseño que a docente emprega no seu obradoiro de Santiago de Compostela. Realizarase a mesma sesión nos tres días do evento para alumnos diferentes cada unha delas.

 

Ampliar info

Construcción dunha viola medieval (REALIZADO)

Agolada (Pontevedra)

Docente: Xermán Arias

Datas: 7, 8 e 9 de xullo

Horario: De 11.30h a 14.00h e de 16.00h a 21.30h

Nº prazas: 5

Prezo matrícula: 35 euros

Contido: Reproducción dunha viola medieval de forma oval, tomando como referencia o Pórtico da Gloria da catedral de Santiago de Compostela, concretamente o ancián nº6. 

Ampliar info

Obradoiro de sombreirería (REALIZADO)

Agolada (Pontevedra)

Docente: Viviana Araujo

Datas: 7, 8 e 9 de xullo

Horario: De 11.30h a 14.00h e de 16.00h a 21.30h

Nº prazas: 10

Precio matrícula: 35 euros

Contido: Tras o deseño, o coñecemento dos materiais, o moldeado e a montaxe das pezas elaborarase un sombreiro ou unha base de crochet de buntal, un sombreiro ou peza con buckram, tea e sinamay e unha á de sisal con banda e adorno tipo pamela.

Ampliar info