Novas

Conde salienta que o Pop Up 'Saberes e sabores' achega a Madrid a perfecta maridaxe entre a cociña e a artesanía de Galicia

25-5-2018

O conselleiro de Economía, Emprego e Industria, Francisco Conde, inaugurou este evento no que ata o 3 de xuño están á venda pezas de máis de 50 profesionais da artesanía galega e 16 empresas de alimentación. Salienta que trala boa acollida da primeira edición o Palacio de Santa Bárbara volve converterse no mellor escaparate da fusión do talento galego. Apunta que hoxe contamos cun 27% máis de talleres artesáns en Galicia e cunha xeración de chefs que acapara 11 Estrelas Michelín. No evento haberá degustacións, catas, presentacións de produtos, talleres de oficios artesáns abertos para familias e showcookings con recoñecidos cociñeiros.

Ampliar nova

A Xunta presenta en Madrid o mellor da artesanía e da gastronomía de Galicia

23-5-2018

Desde este venres e ata o 3 de xuño celébrase a segunda edición do “Pop Up Galicia. Saberes e Sabores”, no que as pezas artesás compartirán espazo con produtos gastronómicos de calidade, talleres de oficios e showcookings. No evento, que se celebrará no Palacio de Santa Bárbara, poderase atopar unha selección de traballos de máis de 50 profesionais da artesanía galega e estarán presentes 12 obradoiros artesáns e 16 expositores de produtos de alimentación.

Ampliar nova

A Xunta convoca os Premios Artesanía de Galicia 2018 en recoñecemento ao talento dos profesionais galegos

22-5-2018

As categorías dos galardóns son o Premio Artesanía de Galicia, dotado con 6.000 euros; o Premio Traxectoria, de carácter honorífico; e a Bolsa Eloy Gesto, que promove a formación especializada dos máis mozos nun centro de prestixio. As solicitudes poderanse presentar entre o 2 e o 16 de novembro, tal e como se recolle na convocatoria publicada hoxe no Diario Oficial de Galicia.

Ampliar nova

A Xunta informa en Niñodaguia sobre as liñas de axuda dirixidas a impulsar o sector artesán galego e a garantir o seu relevo xeracional

16-5-2018

A directora xeral de Comercio e Consumo, Sol Vázquez, e a delegada da Xunta en Ourense, Marisol Díaz Mouteira, desprazáronse esta mañá ata o Museo da Olaría de Niñodaguia para participar nun encontro con artesáns para explicarlles as diferentes liñas de axuda da Consellería de Economía, Emprego e Industria aplicables ás empresas artesás inscritas no Rexistro Xeral de Artesanía. A Xunta inviste un millón de euros para fomentar o relevo xeracional nos oficios artesáns galegos a través dunha axuda para formar aprendices nos obradoiros.

Ampliar nova