Novas

O xurado dos Premios Artesanía de Galicia reúnese para ditaminar os gañadores de 2018

29-11-2018

A directora xeral de Comercio e Consumo presidiu o xurado que se reuniu onte na sede da Fundación Artesanía de Galicia e que fará pública a súa resolución na entrega de premios que se celebrará o día 17 de decembro na Cidade da Cultura. As categorías dos galardóns son o Premio Artesanía de Galicia, dotado con 6.000 euros; o Premio Traxectoria, de carácter honorífico; e a Bolsa Eloy Gesto, que promove a formación especializada dos máis mozos nun centro de prestixio.

Ampliar nova

A Xunta destaca a unión da tradición e as novas tendencias no traballo do obradoiro artesán vigués Pino Encuadernaciones

20-11-2018

O conselleiro de Economía, Emprego e Industria, Francisco Conde, visitou este taller, un dos participantes no programa para impulsar a remuda xeracional que está a permitir formarse como artesáns a a preto de medio cento de aprendices. A Xunta, dentro da súa estratexia de impulso á Artesanía de Galicia, concedeu este ano máis de 800.000 euros en axudas ao sector artesanal, centradas en impulsar a mellora da comercialización, a visualización e a presenza nos mercados.

Ampliar nova

A Xunta apoia na Coruña unha nova iniciativa que reforza as sinerxías entre artesanía e gastronomía

15-11-2018

A directora xeral de Comercio e Consumo, Sol Vázquez, e a xerente da Fundación Artesanía de Galicia, Elena Fabeiro, asistiron á inauguración da exposición “En Proceso” da ceramista Paula Ojea, dentro do proxecto Artesanía no Prato. Ademais da mostra de cerámica, Artesanía de Galicia estará presente na decoración dos diferentes ambientes de Boffi Studio a través de pezas de madeira, de cestería, de coiro, de olería tradicional ou de téxtil. Os cociñeiros Luis Veira e Juan Crujeiras, que habitualmente apostan polas pezas de Artesanía de Galicia para os seus restaurantes, participaron no evento de inauguración elaborando un magosto para os asistentes.

Ampliar nova

A Xunta promociona en Chile a calidade e a diversidade dos produtos artesáns galegos

9-11-2018

A Fundación Artesanía de Galicia foi convidada a participar no Festival Internacional de Economía e Deseño Social Colaborafest, que remata hoxe na localidade de Concepción. A relación da artesanía coa gastronomía, a través do proxecto Artesanía no Prato, o papel do deseño na creación do produto artesán, o apoio á artesanía tradicional e o impulso á comercialización fóra de Galicia centraron as intervencións da xerente da Fundación, Elena Fabeiro.

Ampliar nova