Novas

O encontro Corazón da Artesanía de Agolada aposta por visibilizar e impulsar a sustentabilidade do sector

Corazón da Artesanía 2019

6-7-2019

A directora xeral de Comercio e Consumo, Sol Vázquez Abeal, visitou hoxe o curso para profesionais no que se dá a coñecer a técnica zero waste, que permite aproveitar o 100% da tea na confección de prendas Un total de 66 artesáns de 27 oficios artesanais e 47 expositores de produtos de alimentación participan na oitava edición do Encontro de Artesanía Tradicional e Popular de Galicia Artesanía de Galicia volve compartir espazo coa gastronomía a través da iniciativa Artesanía no Prato na que participará mañá o cociñeiro galego do Grupo Nove Javier Rodríguez “Taky” e o barista Óscar de Toro Continúan tamén os cursos programados para profesionais, así coma os obradoiros abertos ao público para iniciarse en diferentes oficios artesanais Chus Silva Dj e Xirandaina pecharán a programación musical deste ano

Ampliar nova

O encontro Corazón da Artesanía amosa ata o domingo en Agolada o pulo do sector e a súa relación coa gastronomía, a música e a moda

Corazón da Artesanía 2019

5-7-2019

·O conselleiro de Economía, Emprego e Industria, Francisco Conde, inaugurou a oitava edición desta iniciativa, coa que a Xunta busca achegar os oficios tradicionais a toda a sociedade, amosando o traballo de 66 profesionais ·Ademais dos postos de exposición e venda de artesanía e produtos gastronómicos, o amplo programa inclúe demostracións e obradoiros abertos para todo tipo de públicos, showcookings e actuacións musicais ·Sinala que a Artesanía de Galicia está a medrar, incrementando desde 2012 nun 47% as empresas que venden os seus produtos con esta marca ·Apunta que Agolada é o gran escaparate no que se promove o posicionamento no mercado do sector, e así este ano visitan o encontro representantes de empresas como Loewe ou a madrileña La Real Fábrica

Ampliar nova

O encontro Corazón da Artesanía arranca mañá nos pendellos de Agolada como a gran festa dos oficios, a música e a gastronomía galega

4-7-2019

A oitava edición desta iniciativa organizada pola Xunta amosará ata o domingo o traballo de 66 artesáns de 27 oficios diferentes, así como o de 47 empresas de produtos gourmet Mañá venres comezan as actividades de Artesanía no Prato cun showcooking da chef do Grupo Nove Lucía Freitas e cunha cata de viños da man de Cristina Murga O programa bota a andar ás 11:30 horas e rematará coa actuación musical de Baiuca a partir das 22:00 horas. Os visitantes poderán iniciarse no torno cerámico, na manipulación de papel, as cianotipias ou na pintura sobre tecido A Fundación Artesanía de Galicia oferta tamén cursos de formación especializada para artesáns e outros profesionais

Ampliar nova

‘Artesanía no prato’ impulsará en Agolada a unión entre a alta cociña galega e as pezas artesanais

2-7-2019

A proposta, na que colabora Galicia Calidade, forma parte do Corazón da Artesanía, que organiza a Xunta no conxunto histórico-artístico dos Pendellos de Agolada entre o 5 e o 7 de xullo Os chefs do Grupo Nove Lucía Freitas, Javier Rodríguez Ponte “Taky” e Héctor López, así como o chef Alén Tarrío, realizarán showcookings con produtos galegos que presentarán en pezas de Artesanía de Galicia O encontro inclúe tamén unha cata de viños galegos, a cargo da enóloga Cristina Murga, e un taller do barista Óscar de Toro A oferta gastronómica complétase con 47 expositores de produtos gourmet e 3 food-trucks

Ampliar nova