Novas

Javier Guerra salienta a alta calidade da xoiería galega na vista á exposición “Tesouros Privados”

14-4-2011

O conselleiro de Economía e Industria sinalou que os oficios e calidade das pezas artesanais son fundamentais para achegar o saber facer galego á sociedade e impulsar a súa introdución nos diferentes mercados. O obxectivo principal da mostra é acadar o recoñecemento do valor engadido que posúen as pezas “pensadas, deseñadas e fabricadas en Galicia”, pezas e deseños amparados á súa vez pola marca Artesanía de Galicia, como símbolo de calidade e de prestixio. A Consellería de Economía e Industria está a dirixir os seus esforzos no apoio e no fortalecemento do sector artesán galego, a través da Dirección Xeral de Comercio e mais da Fundación Centro Galego da Artesanía e do Deseño, así como da consolidación da marca Artesanía de Galicia.

Ampliar nova

Presentación en Tui da exposición "Experiencias Gravadas"

7-4-2011

Hoxe xoves 7 de abril ás 20:00 h se presenta na Sala Municipal de Exposicións do Concello de Tui a mostra titulada “Experiencias gravadas” que amosa os traballos realizados ao longo do curso de iniciación ao gravado celebrado en Tui o pasado ano e dirixido polo artesán gravador Xabier de Sousa.

Ampliar nova

Elena Fabeiro asiste á 1ª Xornada Técnica Artesanía en Mallorca

25-3-2011

A xerente da Fundación Centro Galego da Artesanía e do Deseño viaxa a Palma de Mallorca para participar na “1ª Xornada Técnica Artesanía en Mallorca” organizada polo Departamento de Economia e Turismo do goberno balear.

Ampliar nova

A xerente da Fundación Centro Galego da Artesanía e do Deseño, acudiu á inauguración do Obradoiro - Museo de olería de Bonxe no concello de Outeiro de Rei

24-3-2011

A xerente da Fundación Centro Galego da Artesanía e do Deseño, Elena Fabeiro Castro, visitou onte o Obradoiro-Museo de Pepa Lombao en Bonxe un dos catro centros oleiros tradicionais cos que contamos en Galicia e do que Pepa é a única representante en activo. Quixo agradecer persoalmente o esforzo que está a facer en prol da conservación e promoción da olería e a artesanía da comarca de Outeiro de Rei e en xeral da nosa comunidade.

Ampliar nova