Novas
A artesanía galega promociónase na feira internacional de Milán co apoio de Economía e Industria
A xerente da Fundación Centro Galego da Artesanía e do Deseño, Elena Fabeiro, viaxa esta fin de semana ata a cidade italiana para acompañar os doce obradoiros artesáns que participan en L’Artigiano in Fiera co stand institucional da marca Artesanía de Galicia.
A Consellería de Economía e Industria continúa co fomento á introdución do produto artesán galego nos mercados internacionais a través da participación da marca por quinto ano consecutivo nesta feira de venda directa, unha das máis importantes de Europa.
Aproveitando a súa estancia en Italia, Elena Fabeiro participará o luns en Florencia nunha xornada internacional dedicada á conservación e impulso dos antigos oficios artesáns, onde presentará a marca Artesanía de Galicia e o labor do goberno galego en favor do desenvolvemento do sector artesán galego.
Doce talleres levan a marca Artesanía de Galicia á Feira Internacional de Milán
A Consellería de Economía e Industria continúa coa promoción e introdución do produto artesán galego no mercado internacional e leva un stand institucional da marca á feira L’Artigiano in Fiera, que se celebra en Milán do 3 ao 11 de decembro. A través da Fundación Centro Galego da Artesanía e do Deseño, Artesanía de Galicia participa por quinto ano consecutivo nesta feira de venda directa amparando un total de doce obradoiros artesáns especializados nos eidos da cerámica, do coiro, da xoiería, do téxtil, da olería, dos zocos e dos complementos.
Economía e Industria apoia a homenaxe dos xoieiros galegos á traxectoria do artesán Juan Manuel Candame
A directora xeral de Comercio e a xerente da Fundación Centro Galego da Artesanía e do Deseño participan esta noite na Gala de San Eloi, organizada polo Colexio Oficial de Xoiería de Galicia, na que se recoñecerá a traxectoria doutros catro xoieiros.
Durante os actos entregaráselle a medalla do Colexio a Antonio Couceiro Méndez, pola súa aposta pola xoiería galega durante a súa etapa como conselleiro de Industria e Comercio da Xunta de Galicia.
Os Premios Galiciademoda recoñecen o labor da Consellería de Economía e Industria pola promoción e impulso do sector artesán galego
A xerente da Fundación Centro Galego da Artesanía e do Deseño recollerá o galardón que se lle outorgará á marca Artesanía de Galicia nun acto no que tamén se recoñecerá o traballo das artesás Idoia Cuesta, que obterá un premio polo seu traballo a prol da innovación da artesanía galega, e Elena Ferro, encargada de elaborar os trofeos.
- « primeira
- ‹ anterior
- …
- 119
- 120
- 121
- 122
- 123
- 124
- 125
- 126
- 127
- …
- seguinte ›
- derradeira »