Novas

O Encontro Corazón da Artesanía arranca mañá nos Pendellos de Agolada como a gran festa dos oficios, da música e da gastronomía galega

5-7-2018

A sétima edición desta iniciativa, organizada pola Xunta, amosará ata o domingo o traballo de 52 artesáns de 26 oficios diferentes así como o de 49 empresas de produtos gourmet. Mañá venres comezan as actividades de Artesanía no Prato cun showcooking do cociñeiro do Grupo Nove Iñaki Bretal e cunha degustación de cócteles de augardentes galegos a cargo de Xaime Rodríguez. O programa bota a andar ás 11:30 horas cunha demostración de encaixe da Escola Municipal do Palillo de Camariñas e rematará a partir das 22:30 horas coa actuación musical do grupo O Sonoro Maxín. Os visitantes poderán iniciarse na cestería, na cerámica, na elaboración de calzado, no tecido, na manipulación de papel, na pintura sobre tecido ou nos tapices. A Fundación Artesanía de Galicia oferta tamén cursos de formación especializada para artesáns e outros profesionais e o II Campus dos Oficios, centrado na pedra.

Ampliar nova

A iniciativa Artesanía no prato impulsa en Agolada a unión entre a alta cociña galega e as pezas artesanais

3-7-2018

A proposta forma parte do Corazón da Artesanía, que organiza a Xunta no conxunto histórico-artístico dos Pendellos de Agolada entre o 6 e o 8 de xullo. Os cociñeiros do Grupo Nove Javier Rodríguez Ponte “Taky”, Héctor López e Iñaki Bretal, así como a chef María Varela realizarán showcookings con produtos galegos que presentarán en produtos de Artesanía de Galicia. O encontro inclúe tamén unha degustación de viños de Galicia e outra de cóctelería con augardente galego, así como 49 expositores de produtos gourmet e 5 food-trucks.

Ampliar nova

A música de Sumrrá, o Sonoro Maxín e de Vacas protagoniza o cartel musical do encontro Corazón da Artesanía

30-6-2018

Xacarandaina, o grupo Bico da Balouta e Chévere actuarán tamén no VII Encontro da Artesanía Tradicional e Popular de Galicia, que se celebra no conxunto histórico-artístico dos Pendellos de Agolada entre o 6 e o 8 de xullo. Este evento de referencia na posta en valor dos oficios tradicionais contará cun total de 52 artesáns de 26 oficios diferentes e 49 expositores de produtos de alimentación. Showcookings, obradoiros participativos nos que iniciarse na artesanía e cursos especializados completan o programa.

Ampliar nova

A pedra centrará a segunda edición do Campus dos Oficios do encontro ‘Corazón da Artesanía’

28-6-2018

O sábado 7 de xullo celebrarase no Auditorio Manuel Costa Casares de Agolada a xornada ‘A materialidade da pedra. Da artesanía á industria, camiños de ida e volta’. Neste espazo de debate e reflexión participarán o Clúster do Granito, arquitectos, artesáns, artistas, expertos e representantes de empresas de transformación desta materia prima. A iniciativa desenvólvese no marco do VII Encontro da Artesanía Tradicional e Popular de Galicia, que entre o 6 e o 8 de xullo contará cun total de 52 artesáns de 26 oficios diferentes e 49 expositores de produtos de alimentación. O encontro ofrece tamén cursos de formación especializada para artesáns e outros profesionais así como talleres de oficios artesanais gratuítos e abertos a todos os públicos.

Ampliar nova