Novas

A Xunta destaca a súa a aposta pola calidade e a promoción da artesanía galega na feira Mostrart da Coruña

Mostrart 2018

28-7-2018

A directora xeral de Comercio e Consumo, Sol Vázquez Abeal, acompañada pola xerente da Fundación Pública Artesanía de Galicia, Elena Fabeiro, asistiu hoxe na Coruña á inauguración do evento que cumpre a súa 34ª edición. A mostra conta coa participación de 56 obradoiros artesáns profesionais de diferentes lugares de Galicia e un de Burgos. Vázquez resalta a importancia de potenciar unha artesanía innovadora e transversal promovendo a cooperación doutros sectores como é o turismo.

Ampliar nova

A Xunta destaca o papel clave da mostra de olería de Buño no impulso á artesanía de Galicia

Mostra da Olería de Buño 2018

20-7-2018

A directora xeral de Comercio e Consumo, Sol Vázquez sinala que este encontro, que celebra xa a súa trixésimo quinta edición, é o escaparate perfecto para o traballo dos artesáns oleiros e as súas creacións. O programa inclúe exposición e venda de produtos, obradoiros de barro abertos ao público ou a XX cocedura tradicional.

Ampliar nova

Corazón da Artesanía volveu converter os pendellos de Agolada no epicentro dos oficios artesanais, da gastronomía e da música

9-7-2018

O VII Encontro da Artesanía Tradicional e Popular de Galicia, que se celebrou esta fin de semana nesta localidade pontevedresa, recibiu 8.000 visitantes. Un total de 52 artesáns de 26 oficios artesanais e 49 expositores de produtos de alimentación participaron nesta cita, na que tamén se incluíron demostracións de artesáns e talleres abertos para todos os públicos en diferentes oficios. Este ano celebrouse a segunda edición do Campus dos Oficios, dedicado á pedra, así como cursos de formación especializada para profesionais e público interesado. A iniciativa Artesanía no Prato, coa que se impulsan as sinerxías entre artesanía e gastronomía, foi un ano máis outro dos atractivos do Encontro coa celebración de showcookings de catro cociñeiros galegos e dúas degustacións con produtos de Galicia .

Ampliar nova

A Xunta impulsa en Agolada a formación en novas tecnoloxías para artesáns no marco do Corazón da Artesanía

8-7-2018

A directora xeral de Comercio e Consumo, Sol Vázquez, e o director da Axencia Galega da Industria Forestal, Ignacio Lema, visitaron esta mañá o curso de formación especializada “Novas ferramentas para novos materiais”. Esta actividade, dirixida polo arquitecto e artesán Rubén García-Louzao Araújo, ten por obxectivo iniciar os profesionais da artesanía na impresión 3D e no deseño específico que lles permitirá incorporar esta ferramenta no seu traballo. O cociñeiro do Grupo Nove Javier Rodríguez Ponte “Taky” protagoniza hoxe a iniciativa Artesanía no Prato e os grupos De Vacas e Xacarandaina pechan a programación musical desta sétima edición.

Ampliar nova