Novas

A pedra centrará a segunda edición do Campus dos Oficios do encontro ‘Corazón da Artesanía’

28-6-2018

O sábado 7 de xullo celebrarase no Auditorio Manuel Costa Casares de Agolada a xornada ‘A materialidade da pedra. Da artesanía á industria, camiños de ida e volta’. Neste espazo de debate e reflexión participarán o Clúster do Granito, arquitectos, artesáns, artistas, expertos e representantes de empresas de transformación desta materia prima. A iniciativa desenvólvese no marco do VII Encontro da Artesanía Tradicional e Popular de Galicia, que entre o 6 e o 8 de xullo contará cun total de 52 artesáns de 26 oficios diferentes e 49 expositores de produtos de alimentación. O encontro ofrece tamén cursos de formación especializada para artesáns e outros profesionais así como talleres de oficios artesanais gratuítos e abertos a todos os públicos.

Ampliar nova

O Corazón da Artesanía celebra a súa sétima edición avalado por público e profesionais como a cita referente do sector

26-6-2018

A directora xeral de Comercio e Consumo, Sol Vázquez, e o alcalde de Agolada, Ramiro Varela, presentaron o encontro que terá lugar na localidade pontevedresa do 6 ao 8 de xullo. Un total de 52 artesáns de 26 oficios diferentes e 49 expositores de produtos de alimentación participan neste encontro no que a Artesanía de Galicia comparte o entorno único dos Pendellos coa gastronomía gourmet e a música. A iniciativa ‘Artesanía no Prato’ contará coas demostracións dos cociñeiros Iñaki Bretal, Héctor López, Javier Rodríguez “Taky” e María Varela. O ‘Campus dos Oficios’ centrarase este ano no traballo coa pedra, cunha xornada de debate e reflexión que contará con arquitectos, artesáns, artistas e expertos. A programación musical estará protagonizada polas actuacións de Sumrrá, Sonoro Maxín, De Vacas e Xacarandaina, ás que se sumará o espectáculo de música e teatro As fillas bravas, da compañía Chévere. Os visitantes poderán participar activamente cos obradoiros abertos para iniciarse na cestería, a elaboración de calzado, a cerámica, o tecido, a manipulación de papel, a pintura sobre tecido ou os tapices. A Fundación Artesanía de Galicia oferta ademais cursos de formación especializada para artesáns e outros profesionais.

Ampliar nova

A Xunta destaca o impuso á promoción e á comercialización do produto artesán galego da Feira de Artesanía de Ourense

22-6-2018

A directora xeral de Comercio e Consumo, Sol Vázquez, e a xerente da Fundación Artesanía de Galicia, Elena Fabeiro, asistiron á inauguración da mostra, que este ano se celebra baixo o lema ‘A creación como modo de vida’. Entre hoxe e o mércores, coincidindo coas festas de Ourense, os visitantes poderán participar nas demostracións de oficios artesáns e mercar pezas de profesionais da marca Artesanía de Galicia.

Ampliar nova

Artesanía de Galicia participa no Serán 01 que se celebra esta fin de semana na Cidade da Cultura

7-6-2018

A Fundación colabora no I Encontro Galego de Cultura Popular a través da organización do obradoiro “Polos pés. Elaboración de calzado con materiais reciclados” que se celebrará entre o venres e o domingo.

Ampliar nova