Novas

A Xunta recoñece nos Premios Artesanía de Galicia 2018 a creatividade e a innovación dos profesionais do sector

17-12-2018

O conselleiro de Economía, Emprego e Industria, Francisco Conde, destaca a importancia cultural e económica da artesanía galega, que dá traballo a 5000 persoas e que é fundamental na diversificación do rural. O Premio Artesanía de Galicia 2018, dotado con 6000 euros, recae en Ana Tenorio, do obradoiro vigués Withcneeds, pola súa obra O bosque interior, un xogo de café que reflexiona sobre a interacción coa natureza. O torneiro de madeira das Pontes Manuel Castro “Lolo” recibe o Premio Traxectoria, un dos mellores especialistas a nivel europeo no seu oficio. Cristina Velasco, do obradoiro coruñés Anaquiños de papel, obtén a Bolsa Eloy Gesto, con 4000 euros para investir en formación.

Ampliar nova

A Artesanía de Galicia protagoniza a feira creativa do Mercado da Estrela que se celebra esta fin de semana en Santiago

15-12-2018

A directora xeral de Comercio e Consumo, Sol Vázquez, visitou hoxe o encontro no que participan un total de 31 obradoiros artesáns de 14 oficios diferentes. A dirección xeral de Comercio e Consumo, Sol Vázquez Abeal, visitou hoxe o Mercado da Estrela, un festival urbano de inverno que celebra a súa sétima edición visibilizando a creatividade galega.

Ampliar nova

A Xunta apoia a incorporación de novos talentos ao sector artesán galego

14-12-2018

A directora xeral de Comercio e Consumo, Sol Vázquez, asistiu esta tarde ao desfile anual dos alumnos de Moda e de Xoiaría da EASD Mestre Mateo, Despunte 2018. A Consellería de Economía, Emprego e Industria colabora cun dos galardóns do evento, no que se premia a mellor colección que fusione artesanía e deseño de moda.

Ampliar nova

A Xunta impulsa a compra de Artesanía de Galicia este Nadal como un agasallo único e de calidade

13-12-2018

A directora xeral de Comercio e Consumo, Sol Vázquez, presentou nunha visita ao compostelán Noroeste Obradoiro a imaxe coa que se achega unha visión contemporánea, actual e diferenciada do sector de cara ás próximas festas. A iniciativa é un adianto da nova campaña de imaxe da marca Artesanía de Galicia, coa que se anima á cidadanía a combinar artesanía tradicional e contemporánea tanto nos seus fogares coma na súa vestimenta diaria. A Administración autonómica está a reforzar este selo afianzando a súa presenza na comercialización de produtos artesáns, a través de novo deseño de packaging ou de etiquetas intelixentes que permitirán acceder a información na rede sobre o artesán e o proceso de elaboración.

Ampliar nova