Trámites e procedementos

Carta de artesán: obtención / renovación

Obxecto

Os artesáns e as artesás que cumpran os requisitos que se sinalan a continuación poderanlle solicitar á Dirección Xeral de Comercio e Consumo da Consellería de Economía, Emprego e Industria a inscrición no Rexistro Xeral de Artesanía. A concesión da carta de artesán é por un período de cinco anos e pódese renovar coa presentación dunha nova solicitude.

Requisitos

Os que se recollen no artigo 12 do Decreto 218/2001, do 7 de setembro, polo que se refunde a normativa vixente en materia de artesanía.

1. Ter superado cursos en centros de ensino que impartan formación artesá cunha duración mínima de 500 horas.

2. Ter traballado nun obradoiro artesanal, debidamente inscrito, baixo a dirección dun mestre artesán, recoñecido como tal pola consellería competente en materia de artesanía, cunha asistencia mínima de 500 horas.

3. Exercer unha actividade artesanal que supoña a creación, produción, restauración ou reparación de bens de valor artístico ou popular, así como a prestación de servizos, sempre que estas se presten ou obteñan mediante procesos nos que a intervención persoal constitúe un factor predominante e o produto final sexa de factura individualiza e distinta da propiamente industrial, tal e como se establece no artigo 2, apartado 1º, da Lei 1/1992, do 11 de marzo, de artesanía de Galicia. (Isto pode ser acreditado por unha asociación profesional de artesáns)

Normativa autonómica

Lei 1/1992, do 1 de marzo, de artesanía de Galicia (DOG do 23 de marzo de 1992)

Decreto 218/2001, do 7 de setembro, polo que se refunde a normativa vixente en materia de artesanía (DOG do 24 de setembro de 2001)

Orde do 31 de marzo de 2009 pola que se revisa a relación de actividades artesás recollidas no anexo IV do Decreto 218/2001, do 7 de setembro, polo que se refunde a normativa vixente en materia de artesanía (DOG do 28 de abril de 2009)

Orde do 2 de xuño de 2014 pola que se revisa a relación de actividades artesás recollidas no anexo IV do Decreto 218/2001, do 7 de setembro, polo que se refunde a normativa vixente en materia de artesanía (DOG do 1 de xullo de 2014)

Orde do 1 de febreiro de 2017 pola que se actualizan os procedementos e os formularios normalizados para a obtención da carta de artesán e a cualificación de taller artesán (DOG do 21 de febreiro de 2017)

Documentación para a obtención da carta de artesán

  • Solicitude normalizada.
  • Copia do DNI ou NIE da persoa solicitante, só no caso de denegar expresamente a súa consulta.
  • Certificado de residencia da persoa solicitante, só no caso de denegar expresamente a súa consulta.
  • Memoria das actividades profesionais realizadas. A memoria deberá explicar tanto as materias primas que emprega como a metodoloxía de fabricación das súas obras (ferramentas utilizadas e proceso de elaboración), todo acompañado de exemplos de tipo gráfico (debuxos ou fotografías). Máximo 6 folios.
  • Certificado ou documento acreditativo dalgún dos requisitos que se recollen no artigo 12 do Decreto 218/2001, do 7 de setembro, polo que se refunde a normativa vixente en materia de artesanía.

Solicitude

Prazo de resolución: 5 meses

Información

CONSELLERÍA DE ECONOMÍA, EMPREGO E INDUSTRIA

DIRECCIÓN XERAL DE COMERCIO E CONSUMO

Edificio Administrativo San Caetano

15781 Santiago de Compostela

Teléfono: 981 545 591

Fax: 981 545 541

cei.dxcomercio@xunta.gal