Novas

A Xunta impulsa a compra de Artesanía de Galicia este Nadal como un agasallo único e de calidade

13-12-2018

A directora xeral de Comercio e Consumo, Sol Vázquez, presentou nunha visita ao compostelán Noroeste Obradoiro a imaxe coa que se achega unha visión contemporánea, actual e diferenciada do sector de cara ás próximas festas. A iniciativa é un adianto da nova campaña de imaxe da marca Artesanía de Galicia, coa que se anima á cidadanía a combinar artesanía tradicional e contemporánea tanto nos seus fogares coma na súa vestimenta diaria. A Administración autonómica está a reforzar este selo afianzando a súa presenza na comercialización de produtos artesáns, a través de novo deseño de packaging ou de etiquetas intelixentes que permitirán acceder a información na rede sobre o artesán e o proceso de elaboración.

Ampliar nova

A Xunta promove en Pontevedra a formación en novas tecnoloxías para o sector da artesanía

5-12-2018

A xerente da Fundación Artesanía de Galicia visitou hoxe o curso “Redes sociais e comunicación en internet”, que se desenvolveu nas catro provincias galegas co obxectivo de fortalecer a comunicación dixital nas empresas artesás. Búscase que os profesionais melloren a súa promoción e a súa comercialización a través de internet.

Ampliar nova

Galicia Calidade certifica as coleccións da xoiaría de Santiago de Compostela Katuxa Platero Joyas

5-12-2018

A directora xeral de Comercio e Consumo, Sol Vázquez, entregou hoxe o certificado de uso da marca a esta empresa especializada na creación de pezas únicas. destaca a compañía como un exemplo da combinación de “talento e aposta pola innovación”. Máis de 110 firmas de distintos sectores da economía galega contan xa con este selo.

Ampliar nova

A Xunta destaca o labor de impulso do Colexio e a Federación de Xoieiros a este oficio artesán

2-12-2018

A directora xeral de Comercio e Consumo, Sol Vázquez, e a xerente da Fundación Artesanía de Galicia, Elena Fabeiro, asistiron hoxe á Gala de San Eloi, na que se recoñece a traxectoria do ourive compostelán Ricardo Rivas. O encontro constitúe unha oportunidade para o recoñecemento público por parte do Colexio Oficial de Xoiaría de Galicia a colexiados e relevantes personalidades da sociedade galega.

Ampliar nova