Novas

Artesanía de Galicia participa no Serán 01 que se celebra esta fin de semana na Cidade da Cultura

7-6-2018

A Fundación colabora no I Encontro Galego de Cultura Popular a través da organización do obradoiro “Polos pés. Elaboración de calzado con materiais reciclados” que se celebrará entre o venres e o domingo.

Ampliar nova

Máis de 10.000 persoas visitaron en Madrid o Pop Up de artesanía e gastronomía galega 'Saberes e sabores'

6-6-2018

Entre o 25 de maio e o 3 de xuño recibíronse máis de 50 visitas de negocio e de prescritores que terán repercusión económica a curto e medio prazo. A Xunta organizou por segunda vez este evento no que se venderon os produtos de 50 profesionais do sector artesán galego e 16 expositores de produtos gourmet. Talleres de oficios artesanais, showcookings de reputados cociñeiros galegos, degustacións e presentacións de produtos reuniron a 450 persoas. Máis dunha trintena de medios de comunicación de ámbito estatal e especializado fixéronse eco da iniciativa.

Ampliar nova

A maridaxe entre gastronomía e artesanía de Galicia continúa esta fin de semana en Madrid no pop up “Saberes e Sabores”

2-6-2018

A directora xeral de Comercio, Sol Vázquez, asistiu a unha cata de viños da denominación de orixe Valdeorras no marco deste evento que remata mañá e no que se amosan pezas de máis de 50 profesionais do sector artesán galego. No Palacio de Santa Bárbara poden visitarse tamén 16 expositores de produtos gourmet, ademais de talleres de oficios artesanais, showcookings de reputados cociñeiros galegos, degustacións e presentacións de produtos.

Ampliar nova

O Pop Up “Saberes e Sabores” permite en Madrid achegarse á Artesanía de Galicia con demostracións e obradoiros de oficios

27-5-2018

A directora xeral de Comercio e Consumo, Sol Vázquez, visitou hoxe o evento no que se promociona o mellor da artesanía e a gastronomía galegas e que se celebra ata o 3 de xuño no Palacio de Santa Bárbara. Na iniciativa participan pezas de máis de 50 profesionais pertencentes á marca Artesanía de Galicia e 16 expositores de produtos gourmet. A programación de hoxe inclúe demostracións de elaboración de redes mariñeiras e dous talleres abertos para familias dedicados ao tecido artesanal e ao torneado cerámico, así como unha degustación de produtos e un taller de elaboración de panes galegos.

Ampliar nova