Impartido por Cristina Velasco de Anaquiños de Papel-A Coruña

Unha xornada completa dedicada ao universo da flor en papel, abordando tanto técnicas escultóricas como técnicas de pregado. Traballaranse diferentes estilos no eido do paperart floral, técnicas de modelado, conformado e estrutura para a creación de flores en diferentes tamaños. As persoas asistentes introduciranse no origami aplicado á flor a través da técnica de pregado estrutural desenvolvendo flores máis complexas que requiren precisión e secuencia. Asistirá un grupo de persoas diferente cada un dos días. 

Dirixido a profesionais da artesanía, do deseño e persoas interesadas na decoración. 

Número de alumnos: 6 por día /  Prezo: 20 euros