A marca
A marca Artesanía de Galicia foi iniciativa da Asociación Galega de Artesáns AGA nos anos 90. O modelo foi adoptado pola Xunta de Galicia no ano 2000, converténdose nunha marca oficial cun regulamento propio.
O obxectivo principal de Artesanía de Galicia -propiedade da Xunta de Galicia- é servir de marca paraugas ofrecendo unha imaxe común, harmónica, coordinada e representativa dos produtos artesanais galegos. Un selo de prestixio que constitúa un sinal de identidade propia e garantía de calidade para os consumidores.
A Xunta de Galicia facilita a adquisición e distribución do material de packaging da marca e un indicador personalizado aos obradoiros inscritos no Rexistro Xeral de Artesanía de Galicia e puntos de venda autorizados. A Asociación Galega de Artesáns conta, en virtude de diferentes convenios, coa concesión para coordinar este labor.