Impartido polo obradoiro Madejas Tejerlo

Prezo: 35€

Contido:

Este taller propón unha experiencia completa que combina o tinguido artesanal de la coa creación dunha peza tradicional galega. Durante a sesión de mañá, as persoas participantes aprenderán a tinguir fío de la utilizando tinguiduras acedas, explorando diferentes técnicas para obter efectos variados sobre a fibra. Cada participante tinguirá dúas madeixas aplicando métodos distintos, o que permitirá comprender como inflúen a cor, a auga e a manipulación do fío no resultado final. Na sesión de tarde, utilizarase unha das madeixas tinguidas para comezar a elaboración dun dengue galego, unha peza tradicional reinterpretada desde unha perspectiva contemporánea.