Impartido pola artesá Julia de la Cal do obradoiro La Parabólica - O Porriño (Pontevedra)

Neste obradoiro de cestería forraranse botellas con diferentes materiais e cores e tamén se elaborarán pequenos candeeiros. Os asistentes achegaranse ás técnicas de tecido con fibras vexetais e deseñarán diferentes pezas creativas, coñecendo os principios estruturais, a confección das diferentes partes que permitirán o forrado completo da botella, dende a base ata o peche e diferentes técnicas de tecido: simple, dobre, triple e ribetes para crear texturas.

As persoas asistentes deberán levar as botellas con base redonda coas que desexen traballar e tesoiras.

Prezo: 10 euros