Impartido por José Carlos Herrera.

Tres días de formación intensiva adicados ao modelado directo sobre maniquí, análise de volumes e transformación precisa a patrón plano. Enfoque técnico, metodoloxía estruturada e aplicación profesional en prenda real.

A Fundación Artesanía de Galicia dispón de dúas prazas neste curso organizado por Ana Prados Academia en Santiago de Compostela que serán outorgadas a obradoiros rexistrados do eido do téxtil e a moda. Precísase que na solicitude de participación se achegue currículo ou biografía profesional da persoa solicitante.