BIO*CERÁMICA: Narrativas da paisaxe e da súa cultura é un taller de experimentación, un convite a explorar a intersección entre a contorna rural, a perspectiva ambiental durable, o tecido social e a cultura local, co obxectivo de construír unha ponte entre pasado e futuro a través da creatividade e da innovación.
Os participantes mergullaranse na hibridación das técnicas cerámicas e dos biomateriais da contorna, para capitalizar os coñecementos e as técnicas locais de manipulación da arxila e das fibras vexetais (liño, vimbio, castañas) honrando a tradición e a historia da comunidade que habita a paisaxe local, e sempre mirando cara ao futuro.