Queda a pegada é un curso centrado na técnica tradicional do esgrafiado de paredes, impartido pola artista Gloria García Lorca, pola ceramista Loaira Pérez de Raposiñas e por Carola Carrot, artesá no ámbito da construción. O curso propón unha viaxe cara a dentro da parede para protexela, arroupala e embelecela. Os esgrafiados son pegadas que quedan, marcas na pel das paredes e muros. A parede é o soporte e o esgrafiado pasa a ser parte construtiva do soporte, non é só un efecto embelecedor senón que serve para protexer o muro da humidade e da erosión. Aplícase a capa da base, de calquera cor e despois a capa de calquera grosor e así comeza a viaxe de fóra cara a dentro e de dentro cara a fóra. No curso utilizaranse as técnicas tradicionais de esgrafiado que permitirán entrar en espazos ocultos e descubrir contidos e novas posibilidades. Rabuñando capas irase desvelando o que en principio nin se ve nin se imaxina.
Dirixido a profesionais da artesanía e do deseño. Terán preferencia os obradoiros inscritos no Rexistro Xeral de Artesanía de Galicia.

Prezo: 120 € (*100€ para obradoiros inscritos no RX de Artesanía de Galicia). Comida incluída