Docente: Beatriz Fontán - Axencia Será por nombres

As persoas participantes terán unha hora a maiores de asesoría individual que concertarán coa docente, con data límite para a súa celebración o 30 de xuño.

O obxectivo do curso é coñecer as ferramentas e os principais requisitos para evitar riscos e nomear con éxito marcas comerciais, pezas, coleccións, espazos ou obradoiros. Un bo nome debe afianzar estratexicamente o valor e a diferenciación do traballo artesanal nun entorno dixital cada vez máis saturado.

Programa:

1. Introdución á técnica de nomear

a. Entender as diferentes tipoloxías de nomes existentes e os conceptos básicos do proceso de creación dun nome.

b. Coñecer as principais claves para que os nomes sexan descritivos, flexibles e memorables.

2. Análise e investigación

a. Realizar diferentes fórmulas de diagnose interna.

b. Aprender a identificar e analizar a nosa competencia.

c. Escoller o posicionamento desexado e identificar marcas ou proxectos aspiracionais.

3. Proceso creativo

a. Aprender técnicas de creatividade para a creación de nomes e lemas para marcas, pezas ou coleccións.

b. Buscar inspiración e pensar lateralmente.

c. Identificar as diferentes narrativas sobre as que construír a historia da marca (storytelling).

4. Selección

a. Analizar a coherencia do nome e do lema co posicionamento desexado da marca, a peza ou a colección.

b. Considerar as incompatibilidades culturais e/ou fonéticas con novos territorios xeográficos de comercialización.

5. Rexistro e propiedade

a. Comprobar que o nome pode ser rexistrado ou está libre para o seu uso nas Clases Niza vencelladas á actividade profesional na Oficina Española de Patentes e Marcas ou en plataformas internacionais de rexistro.

b. Identificar posibles conflitos legais presentes ou futuros.

c. Comprobar o dominio web e os usuarios en redes sociais.

Criterios de selección: Terán prioridade nas prazas do curso as persoas titulares dos obradoiros artesanais inscritos no Rexistro de Artesanía de Galicia, e a continuación as peroas con carta de artesá/n. Terase en conta a orde de chegada das solicitudes.