Tras dez anos de colaboración continuada con este evento de referencia, a Xunta cambia o formato de ‘Resonancias’ para converterse nun lugar de espazo de práctica dos oficios artesanais vinculados á construción de instrumentos musicais. A Fundación Artesanía de Galicia abre as inscricións para dous cursos de mantemento de instrumentos musicais e un de ilustración, que se celebrarán en Tui entre os días 4 e 6 de agosto.

O DOG publica hoxe as bases da convocatoria das tres categorías que conforman estes galardóns: Premio Artesanía de Galicia, Premio Traxectoria e as tres Bolsas Eloy Gesto. As candidaturas poderanse presentar entre o 21 de setembro e o 1 de outubro de 2026, de xeito telemático salvo no caso do Premio Artesanía de Galicia, que deberá realizarse presencialmente na sede da Fundación Artesanía de Galicia. Os Premios Artesanía de Galicia teñen como obxectivo principal recoñecer e visibilizar o traballo do sector divulgando os seus oficios, incentivando aos novos talentos promovendo a remuda xeracional e apostar pola introdución da innovación.

A xerente da Fundación Artesanía de Galicia, Elena Fabeiro, visitou esta mañá a ‘Feira Galega de Artesáns’ que arrancou o pasado venres e na que participan 14 obradoiros inscritos en Artesanía de Galicia. O evento forma parte do calendario de feiras de venda directa impulsadas pola Asociación Galega de Artesáns (AGA) co patrocinio da Xunta e que se celebrarán en diferentes localidades ata o mes de setembro. A visita serviu para lembrar a nova liña de axudas cun orzamento de 1 M€ para contratos formativos de aprendices en oficios tradicionais, con prazo de solicitude aberto deica o 30 de setembro ou ata o esgotamento do crédito.

A xerente da Fundación Artesanía de Galicia, Elena Fabeiro, achegouse ata o espazo dos Casares, onde hoxe remata o curso impartido pola artista Gloria García Lorca, pola ceramista Loaira Pérez e pola artesá especialista en construción Carola Carrot. O curso estivo orientado á experimentación con técnicas antigas e artesanais para a súa posterior aplicación a linguaxes contemporáneas. A visita serviu para lembrar a nova liña de axudas cun orzamento de 1 M€ para contratos formativos de aprendices en oficios tradicionais, con prazo de solicitude aberto deica o 30 de setembro ou ata o esgotamento do crédito.

A xerente da Fundación Artesanía de Galicia, Elena Fabeiro, achegouse hoxe ata o Pazo de San Lourenzo para apoiar os 13 obradoiros de Artesanía de Galicia que participan. Puxo de relevo que están especializados no debuxo, bixutería, talla e xoguetes de madeira, marroquinería, xoiería, cerería, complementos de moda, encaixe e cerámica. A visita serviu para lembrar a nova liña de axudas cun orzamento de 1 M€ para contratos formativos de aprendices en oficios tradicionais, con prazo de solicitude aberto deica o 30 de setembro ou ata o esgotamento do crédito.