Novas
A Xunta pon en valor nos novos ‘Domingos Vivos’ de Ribadavia a decena de locais comerciais rehabilitados e abertos ao público no marco da iniciativa Vilas Vivas
José González destaca a ampla programación cultural —música, obradoiros, catas e rutas guiadas— que se repetirá cada primeiro domingo de mes para complementar a aposta polo comercio local e a apertura de novos negocios dentro de Vilas Vivas.
A maiores da Casa da Artesanía de Galicia, lembra que xa se puxeran en marcha establecementos de produtos agroalimentarios e artesanais e unha tenda efémera, aos que se sumaron hoxe unha viñoteca, un espazo inclusivo e unha tenda téxtil. Como proxecto piloto en colaboración co Concello de Ribadavia que logo se prevé estender por Galicia, salienta que Vilas Vivas busca recuperar a actividade comercial do casco histórico, coa previsión de ter operativos 15 locais novos este ano.
Todo enmarcado no Plan estratéxico do comercio de Galicia 2025-2030, ao abeiro do que tamén se asinará un convenio co Concello de Ribadavia para promover a reforma e modernización da súa praza de abastos, de cara a obter o selo de Mercado Excelente.
A Xunta destaca o papel da Feira de Artesanía de Outeiro de Rei na divulgación e posta en valor dos oficios tradicionais
O director xeral de Comercio e Consumo participou na inauguración da XVIII edición deste evento que inclúe venda de produtos artesanais e de produtos de alimentación, demostracións en vivo e espectáculos de música e maxia, entre outras actividades.
A Xunta pon en valor o papel da artesanía como motor de desenvolvemento económico e cultural no marco da cita ‘Corazón da Artesanía’ en Agolada
A secretaria xeral de Emprego e Relacións Laborais, Susana Pérez Iglesias visitou esta tarde a segunda xornada do evento impulsado pola Fundación Artesanía de Galicia.
A Xunta reivindica na Agolada a importancia da remuda xeracional na artesanía para reforzar un sector que crea emprego e dinamiza o territorio
O conselleiro de Emprego, Comercio e Emigración inaugurou en Agolada o XIII Encontro da artesanía tradicional e popular de Galicia Corazón de Artesanía, que cualificou coma o principal escaparate anual da artesanía galega e un espazo estratéxico para visibilizar o talento dos profesionais, favorecer novas oportunidades de negocio e seguir espertando vocacións na mocidade. Co obxectivo de garantir a continuidade dos oficios tradicionais, lembrou que o Goberno galego vén de poñer en marcha unha liña específica de 1 M€ dentro da orde de Primeira Experiencia Profesional destinada á formación de aprendices no sector. A presente edición, que se celebra ata o domingo, reúne a 50 artesáns e artesás de 24 oficios, ademais de expositores de alimentación gourmet, obradoiros, demostracións en vivo, música ou showcookings ao abeiro do programa Artesanía no Prato.
A Xunta promoverá o proxecto Artesanía no Prato no XIII Corazón da Artesanía desta fin de semana
A programación do evento nos Pendellos de Agolada inclúe demostracións gastronómicas de recoñecidos chefs como Lucía Freitas, Héctor López, Jorge Gago ou “Taky”, nas que se empregarán pezas de 13 obradoiros de Artesanía de Galicia. No marco do proxecto Artesanía no Prato incluirase tamén unha degustación de queixos galegos, a cargo de Salomé Beiroa, e outra de coctelería, con Gabriel Vilar.
