A directora xeral de Formación e Cualificación para o Emprego, Zeltia Lado, participou esta mañá no peche da primeira parte do programa de dinamización e acompañamento profesional Artesás. Despois dunha formación práctica e de creación de rede durante este mes de xuño, seleccionáronse 12 profesionais de Artesanía de Galicia para participar nunha fase centrada no asesoramento individualizado. O obxectivo da iniciativa é fortalecer o sector artesán galego desde unha perspectiva profesional, colaborativa e territorial, favorecendo a consolidación de proxectos sustentables e a creación de redes de apoio entre mulleres artesás do rural galego.

Durante o encontro impulsado pola Fundación Artesanía de Galicia, do 3 ao 5 de xullo, haberá cinco obradoiros abertos para iniciarse na forxa, no torno cerámico, no bordado sobre fotografía, no tecido de tapices e nos xoguetes de madeira. Na edición deste ano participarán un total de 50 artesáns representando un total de 24 oficios artesanais, haberá sete cursos de formación especializada, sesións de demostracións gastronómicas e actuacións de música e baile.

O director xeral de Comercio e Consumo, Gabriel Alén, e a xerente da Fundación Artesanía de Galicia, Elena Fabeiro, achegáronse esta mañá ata a Casa da Artesanía de Galicia, onde hoxe se realizan dous cursos de estampaxe de panos tradicionais. Os días 11 e 12 de xullo está previsto un curso de bordado ao aire, impartido por Zeltia Rodríguez, para o que xa están todas as prazas cubertas.

O día que comeza o evento —o venres 3 de xullo— actuarán a Charanga dos Pendellos e Comando Curuxás, mentres o sábado 4 Os Carunchos protagonizarán a sesión vermú, pola tarde haberá o pasarrúas de Bico da Balouta e á noite estará Mediarea. A programación musical nos Pendellos de Agolada péchase o domingo 5 coa sesión vermú de Radio Cos e coa actuación de Cantigas e Agarimos pola tarde. O Corazón da Artesanía é un encontro integral de divulgación, comercialización e posta en valor da Artesanía de Galicia que reunirá un total de 50 artesáns de diferentes oficios e 32 expositores de alimentación gourmet.

O director xeral de Comercio e Consumo, Gabriel Alén, visitou esta mañá o desenvolvemento do curso Tomate e trevo impartido pola artesá Antonina Kadyrova na Casa Artesanía de Galicia. A Fundación Artesanía de Galicia organiza dentro de Vilas Vivas outros tres cursos, que serán o sábado 27 de xuño - dúas quendas dedicadas á estampaxe téxtil - e a fin de semana do 11 e 12 de xullo, na que se impartirá un obradoiro de bordado ao aire. Vilas Vivas é un proxecto pioneiro de revitalización comercial para converter espazos en desuso en negocios abertos rendibles e xeradores de emprego que en Ribadavia.