Novas
A XXVI Feira de Artesanía de Ourense conta coa participación de 19 obradoiros de Artesanía de Galicia
A xerente da Fundación Artesanía de Galicia, Elena Fabeiro, acompañada pola xerente de Galicia Calidade, Ana Méndez, e o director do Centro de Referencia Nacional de Artesanía, Antonio Suárez, visitou esta mañá a feira que se celebra na rúa do Paseo ata o domingo 7 de maio. Nesta edición participan obradoiros artesanais especializados en cerámica, xoiería, bixutería, marroquinería, arranxos florais, esmaltes e téxtil. Na programación da feira inclúense obradoiros de cestería, olería, instrumentos musicais e la de ovella autóctona.
A Xunta impulsa a comercialización da Artesanía de Galicia con apoios para a participación e a organización de feiras
A Vicepresidencia Primeira e Consellería de Economía, Industria e Innovación acaba de publicar un programa de axudas por 265.000 euros do cal poden beneficiarse obradoiros artesanais, concellos e asociacións profesionais e empresariais do sector. O prazo de presentación de solicitudes permanecerá aberto ata o vindeiro 29 de maio.
A XUNTA SUBLIÑA EN SANTIAGO O PAPEL DA ARTESANÍA COMO MODELO DE INCLUSIÓN LABORAL PARA PERSOAS CON DIVERSIDADE FUNCIONAL
— A Fundación Artesanía de Galicia colabora coa Universidade de Santiago de Compostela na xornada Educación, Artesanía e Inclusión: novos desafíos para vellas demandas que se celebra hoxe no Colexio de Fonseca
— Os obradoiros de Artesanía de Galicia Artefíos (A Coruña) e A Casa Rodante (Vigo) participan nunha mesa redonda xunto co centro de educación especial López Navalón (Santiago), que conta tamén con talleres de oficios artesanais
— O director do Centro de Referencia Nacional de Artesanía, Antonio Suárez, explicou o traballo que se está a realizar en Andalucía cun proxecto de Formación Dual en Artesanía Inclusiva, galardoado nos Premios Nacionais de Artesanía 2022
A Xunta presenta o seu proxecto Artesanía no prato a profesionais do turismo e da artesanía de toda a península
A Fundación Artesanía de Galicia coorganiza a Conferencia Hispano Lusa de Artesanía e Turismo “Materia Prima”, que se está a celebrar en Mérida e na localidade portuguesa de Portalegre. A xerente da Fundación, Elena Fabeiro, participou no evento xunto cos ceramistas Laura Delgado e Alberto Lista e os cociñeiros Xoán Crujeiras e Lucía Freitas. Na programación inclúense mesas redondas sobre artesanía e gastronomía, showcookings con produtos certificados de Galicia Calidade e mais unha exposición fotográfica sobre o proxecto Artesanía no Prato.
A nova Lei de Artesanía de Galicia modernizará este sector e incrementará a súa profesionalidade e competitividade
O Consello da Xunta aprobou hoxe o proxecto de lei co que comeza agora a súa tramitación parlamentaria para actualizar a normativa actual que conta con máis de 30 anos. O presidente galego subliña, entre as novidades, a creación de zonas de especial interese artesanal e a incorporación da figura de Mestre e Mestra artesá. A nova normativa incorpora a fusión da innovación e da tradición dun sector artesán capaz de integrar o novo talento e conservar e recuperar as distintas manifestacións tradicionais, asegurando a remuda xeracional. Na actualidade están rexistrados 831 obradoiros que forman parte da marca Artesanía de Galicia, e aspírase a superar os 1200 en 2030.
