A través desta iniciativa, que se celebra do 27 de marzo ao 2 de abril, búscase achegar os oficios artesanais á sociedade. A Xunta, a través de Artesanía de Galicia, coordina o programa na Comunidade e colabora con diferentes propostas en Vigo, Ourense, Santiago de Compostela, Buño, Ponteceso, Muros, Mondoñedo, Triacastela, Baiona, Oia, Gondomar e Niñodaguia.

A xerente de Artesanía de Galicia, Elena Fabeiro, presentou esta mañá os obradoiros de cestería, de estampaxe e as actividades que terán lugar no Muíño das Mareas do Pozo de Cachón dos días 30 e 31 de marzo e 1 e 2 de abril. Os Días Europeos da Artesanía son unha iniciativa que busca achegar os oficios artesanais á sociedade a través de demostracións en vivo, obradoiros, cursos, exposicións e actividades para nenos.

O delegado territorial de Lugo, Javier Arias Fouz, explicou que o Goberno galego leva investidos preto de 80.000 € dende o ano 2007 neste encontro de divulgación e posta en valor do oficio tradicional dos ferreiros na comarca. A través da marca Artesanía de Galicia, varios artesáns deste concello conseguiron introducir os seus produtos no mercado europeo coa súa participación en diferentes edicións da feira profesional Formex, que se celebra en Estocolmo.

A xerente da Fundación Artesanía de Galicia, Elena Fabeiro, participou esta mañá nunha mesa redonda sobre estratexias de deseño, tecnoloxía, marketing, comercialización, promoción, xestión e formación. Este foro acompaña a exposición “Mestres do futuro. Artesanía e deseño en Europa”, que se pode visitar dende hoxe ata o 31 de maio no Castelo de San Jorge, en Sevilla.

O director xeral de Comercio e Consumo, Manuel Heredia, e a xerente da Fundación Artesanía de Galicia, Elena Fabeiro, visitaron esta tarde en Santiago o curso intensivo de perfeccionamento de remates e patróns, que forma parte da programa de formación especializada para artesáns impulsado pola Administración autonómica.