O director xeral de Comercio e Consumo, Manuel Heredia, presidiu esta mañá a reunión na que se informou os representantes do sector das novas axudas de dinamización para o sector artesán, así como da nova Lei de Artesanía, en proceso de tramitación.

A xerente da Fundación Artesanía de Galicia, Elena Fabeiro, asistiu a unha nova reunión deste foro impulsado por Fundesarte, do que forman parte as administracións públicas de toda España e no que as principais liñas de debate foron a comercialización e a internacionalización da artesanía.

O vicepresidente primeiro e conselleiro de Economía, Industria e Innovación, Francisco Conde, visitou a Asociación de Familias de Persoas con Parálise Cerebral, onde se presentou a marca A Casa Rodante, coa que se comercializan as pezas elaboradas polos usuarios desta entidade.

A Vicepresidencia primeira e Consellería de Economía, Industria e Innovación vén de conceder axudas por preto de 164.000€ para un total de 59 obradoiros para a asistencia a feiras profesionais dentro e fóra de España, así como para feiras de venda directa. A Asociación de Artesáns de Ourense, así coma os concellos de Tui, Monforte de Lemos e Camariñas resultaron tamén beneficiarios desta convocatoria.

A Fundación Artesanía de Galicia regresa á feira profesional Formex, que se celebra en Estocolmo ata o venres, cunha colección de pezas de artesanía tradicional e contemporánea que reúne o traballo de 37 obradoiros artesanais. Como resultado deste apoio á comercialización e á promoción do produto artesán galego neste tipo de eventos de referencia internacional, Artesanía de Galicia conta xa con 52 puntos de venda en diferentes países e seis distribuidores fóra do país.