Novas
A Xunta destaca en Boiro a importancia económica do oficio tradicional da carpintería de ribeira
O director xeral de Comercio e Consumo, Manuel Heredia, visitou xunto coa xerente da Fundación Artesanía de Galicia, Elena Fabeiro, as instalacións do obradoiro artesanal Asteleiros Triñanes, especializado desde hai máis de 40 anos na construción naval en madeira. A carpintería de ribeira foi declarado Ben de Interese Cultural no ano 2019 e constitúe un sector con gran potencial comercial tanto para actividades profesionais como de lecer.
Asteleiros Triñanes resultou finalista do Premio Nacional de Artesanía 2012 e forma parte da Asociación Galega de Carpintería de Ribeira (Agalcari).
A Xunta amosa en Pontevedra as propostas máis contemporáneas da artesanía galega
A Fundación Artesanía de Galicia colabora coa Fundación RAC na exposición colectiva "Os roteiros da forma", que se poderá visitar ata o 26 de marzo. Na mostra participan 14 obradoiros da marca Artesanía de Galicia que reflicten as converxencias entre a artesanía e as artes visuais contemporáneas.
A Xunta impulsa un plan formativo para mellorar a comercialización e a presenza dixital dos obradoiros artesáns
O director xeral de Comercio e Consumo, Manuel Heredia Pérez, participa hoxe no inicio do primeiro dos cursos, centrado nas diferentes canles da venda en liña. A Fundación Artesanía de Galicia ten programadas cinco actividades, que abordarán tamén aspectos como o uso profesional das redes sociais, a publicidade online ou a xestión empresarial.
A Xunta enxalza cos Premios Artesanía de Galicia un sector clave para a cultura e o desenvolvemento económico da Comunidade
O vicepresidente económico e conselleiro de Economía, Empresa e Innovación, Francisco Conde, participou na entrega destes galardóns cos que se recoñece o talento e se busca potenciar a creatividade e a introdución da innovación e do deseño nos procesos de produción. O obradoiro Traxandaina Traxe Tradicional, de Lugo, gaña o premio Artesanía de Galicia 2020 cunha capa baseada nunha lensa antiga do traxe galego. O Premio Traxectoria recoñece a carreira profesional do ourive compostelán Ricardo Rivas Casal. Loaira Pérez, do obradoiro Raposiñas da Pobra do Caramiñal, consegue a Bolsa Eloy Gesto, que lle permitirá continuar coa súa formación artística e empresarial.
A Xunta apoia a celebración en liña da feira de artesanía Ofeitoaman
A Fundación Artesanía de Galicia colabora de novo coa Asociación Galega de Artesáns, organizadora do evento, co obxectivo de apoiar a comercialización do produto artesán galego na época do Nadal.
