Novas
A Xunta participa no mercado "Sabor a artesanía" que se celebra esta fin de semana en Santiago
A xerente da Fundación Artesanía de Galicia, Elena Fabeiro, achegarase ata o Pazo de San Lourenzo mañá sábado para apoiar as 17 marcas de Artesanía de Galicia que participan nesta feira de venda directa. O apoio á comercialización do produto artesán galego continúa a formar parte das principais liñas de actuación do Goberno galego en materia de artesanía.
A Xunta impulsa a comercialización de Artesanía de Galicia no Mercado da Serea de Boiro
A Vicepresidencia segunda e Consellería de Economía, Empresa e Innovación colabora nesta primeira edición coa realización de tres talleres de iniciación á estampaxe e á creación de cianotipias. A xerente da Fundación Artesanía de Galicia, Elena Fabeiro, visitará mañá sábado este evento que se celebra no Pazo de Goiáns e no que participan 12 obradoiros da marca.
A Xunta promove en Muros a diversificación do oficio tradicional das redeiras galegas
A exposición ‘Enredadas’, que reúne os resultados dos cursos de formación para redeiras artesás galegas, estará aberta ao público no Muíño das Mareas do Pozo de Cachón desde mañá, 18 de xuño, ata o próximo 18 de xullo.
Trátase dun proxecto de boas prácticas impulsado polo Goberno galego para que as redeiras poidan abrir novas oportunidades de negocio a través doutros ámbitos como a moda, os complementos e a decoración.
A Xunta destaca o grande esforzo realizado pola artesanía galega para consolidar a súa presenza dixital durante a pandemia
Recoñece que o 2020 foi o ano no que o sector tivo que dar o salto definitivo á comercialización en liña e a novos modelos de xestión e venda, para o que contou co apoio do Goberno autonómico. A Xunta publica o novo número da revista "Obradoiro de Artesanía" na que se divulga o traballo de diferentes profesionais da marca especializados no eido da ourivería, da cerámica, da xoiería, do téxtil, da decoración, do vidro, da cantería, do traxe tradicional, do calzado e da carpintería de ribeira.
O proxecto Artesanía no Prato da Xunta de Galicia é recoñecido como exemplo de boas prácticas no programa europeo Crafts Code
Esta iniciativa da Xunta de Galicia foi seleccionada para aparecer na plataforma de políticas formativas de Interreg Europe, como modelo para os sectores artesáns doutras rexións europeas para vincular a artesanía con outros sectores e crear sinerxías. A Fundación Artesanía de Galicia participa desde o ano pasado neste programa europeo orientado a mellorar a competitividade das pemes no ámbito da artesanía, impulsar o seu crecemento e promover a innovación. A Xunta prevé organizar as III Xornadas Profesionais Artesanía no Prato a finais deste ano.
