Novas
A Xunta fomenta a divulgación da olería tradicional de Buño na I Cocedura Tradicional Aberta
Esta fin de semana celébrase en Buño a cocedura tradicional de pezas de olería no Forno do Forte que, por primeira vez, está aberta a outros ceramistas e afeccionados. Onte tivo lugar a Festa da Carroa, coa que antigamente se celebraba o bo resultado do traballo realizado, e hoxe realízase a descarga do forno e a entrega das pezas. Dende o ano 2023 a Xunta está a impulsar a remuda xeracional neste oficio a través de cursos de especialización nas formas tradicionais de Buño, no marco do seu programa ‘Aprender da tradición. Oficios e técnicas’.
A Xunta promove en Sober a comercialización do produto artesán galego na quinta edición de ´Artesanía de Galicia na Ribeira Sacra´
O director xeral de Comercio e Consumo, o director xeral de Patrimonio Cultural e a xerente da Fundación Artesanía de Galica visitaron o evento no que participan unha vintena de obradoiros artesanais. A iniciativa desenvólvese durante toda a xornada no Santuario de Nosa Señora de Cadeiras, con obradoiros gratuítos para todos os públicos de encadernación, de estampaxe e de cerámica de torno, así como coa actuación musical do grupo Deuce.
A Xunta pon en valor o auxe da feira Mostrart e o seu papel na difusión do selo Artesanía de Galicia
O director xeral de Comercio e Consumo, Gabriel Alén, visitou a feira Mostrart, que celebra a súa 41 edición ata o 31 de agosto nos xardíns de Méndez Núñez da Coruña. Nela participan 62 obradoiros artesáns dos que 51 pertencen ao selo Artesanía de Galicia, 11 artesáns doutras autonomías e ademais desenvólvense obradoiros abertos ao público e demostracións en vivo a cargo de artesáns. Gabriel Alén fixo fincapé na importancia de iniciativas coma esta para seguir atraendo novos talentos a este sector e destacou o labor da Fundación Artesanía de Galicia e de entidades como a Asociación Galega de Artesáns. A aposta do Goberno galego pola artesanía de Galicia reflíctese no Plan estratéxico de comercio 2025-2030 con medidas como os apoios para impulsar a comercialización e a competitividade deste sector e na estratexia global de emprendemento.
A Xunta impulsa en Chantada a formación artesanal coa nova edición do curso 'Fibranzas. Laboratorio das fibras vexetais'
O director xeral de Comercio e Consumo e a xerente da Fundación Artesanía de Galicia visitaron o novo curso desta iniciativa do Goberno galego, o Espacio Vilaseco, Os Casares e a cesteira Idoia Cuesta. O curso Arte contemporánea e fibras: Unha producción artística é impartido pola artista Sonia Navarro e con el remata o terceiro dos catro módulos que conforman esta acción formativa. Enmárcase no proxecto pioneiro Aprender da tradición. Oficios e técnicas, impulsado pola Xunta para contribuír á profesionalización do sector artesán galego e para atraer novos talentos que garantan a remuda xeracional.
A Xunta promove en Sober a comercialización do produto artesán e a marca Artesanía de Galicia
A Fundación Artesanía de Galicia organiza a quinta edición do evento Artesanía de Galicia na Ribeira Sacra, que se celebrará o próximo sábado 23 de agosto e no que participarán unha vintena de obradoiros artesanais. A iniciativa terá lugar no Santuario de Nosa Señora de Cadeiras e na programación incluirá obradoiros gratuítos para todos os públicos de encadernación, de estampaxe e de cerámica de torno, así como a actuación musical do grupo Deuce.
