Novas
A Xunta promociona en México a marca Artesanía de Galicia e o seu proxecto ‘Artesanía no Prato’
O director xeral de Comercio e Consumo, Gabriel Alén, visitou hoxe en Cidade de México Expo UMEGAL, un evento enfocado a profesionais da hostalería, da gastronomía e do contract. A iniciativa Artesanía no Prato nace no 2013 co fin de incorporar a Artesanía de Galicia como soporte dos produtos gastronómicos e resultou gañadora do Premio Promociona para Entidades Públicas nos Premios Nacionais de Artesanía 2025.
A Xunta destaca na comarca do Carballiño o potencial da artesanía e do comercio local para a dinamización do rural e a vertebración do territorio
O conselleiro de Emprego, Comercio e Emigración, José González, visitou unha das froitarías de Amoras, Premio Comercio Emprende 2025, e o obradoiro artesán O Reberete. José González salienta que a galardoada Amoras pasou de coller o testemuño dunha froitaría familiar a converterse nun exemplo de emprendemento adaptado á actualidade, con tres establecementos abertos e novos servizos como unha fruit truck.
A Xunta amosa en Santiago e Mazaricos o oficio da construción de instrumentos de percusión no marco do seu proxecto Artesanía na Escola
O artesán Xosé Manuel Sanín achegouse esta mañá ata o CEIP Monte dos Postes de Santiago de Compostela e ata o CEIP Víctor Sáenz de Mazaricos para amosarlle ao alumnado de Primaria o oficio da construción de pandeiretas. A Fundación Artesanía de Galicia busca con este programa presentarlle a artesanía ás novas xeracións como unha profesión de futuro, ao tempo que as conciencia sobre o valor do produto artesanal e da marca Artesanía de Galicia.
A Xunta impulsa en Vigo a especialización en vaixelas cerámicas artesanais
A xerente da Fundación Artesanía de Galicia, Elena Fabeiro, visitou as persoas participantes no curso sobre engobes de alta temperatura para a decoración de vaixelas, que imparte Ana Felipe ata este sábado 21 de marzo.
A Xunta impulsa en Merza a comercialización do produto artesán e a marca Artesanía de Galicia
O director xeral de Comercio e Consumo, Gabriel Alén, acompañado pola xerente da Fundación Artesanía de Galicia, Elena Fabeiro, asistiu hoxe ao inicio do proxecto Artesanía de Galicia en Merza. Trátase dun novo programa de feiras de carácter mensual impulsadas polo Goberno galego en colaboración co obradoiro Eferro. Na primeira destas feiras participan dez obradoiros de Artesanía de Galicia de encadernación, instrumentos musicais, xoiería, forxa, bixutería, coiro, xoguetes, complementos elaborados con cunchas e madeira.
