Novas
A Xunta inaugura en Chantada o taller Bio*cerámica para afondar na experimentación entre a artesanía, o deseño contemporáneo e os recursos locais
Impartido por Raquel Buj e Carlos Jiménez Cenamor, os asistentes mergullaranse na hibridación da artesanía tradicional co deseño contemporáneo e o aproveitamento do coñecemento e as técnicas locais de manipulación da arxila e das fibras vexetais (liño, vimbio, castañas).
A Xunta apoia a divulgación do oficio tradicional da elaboración de zocos na foliada de Elena Ferro
A xerente da Fundación Artesanía de Galicia, Elena Fabeiro, achegouse ata este evento anual que se organiza no taller Eferro para presentar o proxecto ‘Artesanía na escola’, co que a Xunta busca achegarlle os oficios artesanais aos alumnos de Primaria. Elena Ferro, Premio Nacional de Artesanía 2019, é a protagonista de ‘Eu son zoqueira’, a primeira das unidades didácticas deste proxecto de divulgación da artesanía entre os máis novos.
A Xunta destaca o papel da Festa da Tinería de Lugo a prol da dinamización do barrio e a posta en valor dos produtos galegos
Javier Arias visitou a terceira edición deste evento, organizado pola Asociación de Empresarios do Barrio da Tinería, Itineris, co apoio do Goberno autonómico.
A Xunta reforza a colaboración co sector artesán galego como actividade económica sustentable xeradora de emprego e riqueza
O conselleiro de Emprego, Comercio e Emigración, José González, reuniuse coa directiva da Asociación Galega de Artesáns. José González puxo en valor o traballo fundamental que desenvolve esta entidade e a súa contribución de maneira significativa ao impulso da comercialización dos produtos da marca Artesanía de Galicia. Reafirmou o compromiso coa entidade e a vontade de seguir traballando coordinadamente en futuros proxectos, con foco na comercialización. O encontro, no que tamén participou o director xeral de Comercio e Consumo, Gabriel Alén, e a xerente da Fundación Artesanía de Galicia, Elena Fabeiro, enmárcase tamén no proceso de escoita activa de cara á elaboración do Plan estratéxico de Comercio.
A Xunta impulsa en Chantada a hibridación da artesanía, a innovación e os recursos locais a través do obradoiro Bio*Cerámica
A Fundación Artesanía de Galicia organiza os días 21 e 22 de setembro en San Cristovo de Mouricios (Chantada) as xornadas ‘Novas artesanías para novas ecoloxías’, con expertos en cerámica, deseño e creación contemporánea. Do 17 ao 20 de setembro celebrarase no mesmo espazo o taller Bio*cerámica, no que se buscará aprender a través da paisaxe e aproveitar os materiais da contorna desde a artesanía, a innovación e o pensamento ecolóxico. Con estas xornadas, a Xunta impulsa unha liña de traballo na que se une tradición con contemporaneidade e que busca o debate, a experimentación e a apertura de novos horizontes para a artesanía en base aos oficios tradicionais.
