Novas
Corazón da Artesanía encheu Os Pendellos de Agolada esta fin de semana con máis de 8.000 visitantes
O encontro organizado pola Xunta permitiu establecer novas relacións comerciais grazas á presenza de prescritores de marcas e tendas especializadas de Londres, Estocolmo e Madrid, entre outros profesionais vinculados á artesanía. Destaca tamén a importante afluencia de público na feira e nos concertos, así como a altísima participación nos talleres abertos durante os tres días do evento. O programa da décima edición amosou o traballo de 53 artesáns de 25 oficios diferentes e contou con 31 expositores de produtos gourmet.
Lorenzana reivindica en Agolada a importancia cultural e económica da artesanía de Galicia
A conselleira de Economía, Industria e Innovación, María Jesús Lorenzana, inaugurou hoxe a décima edición do Corazón da Artesanía, onde sinalou que o número de obradoiros rexistrados alcanza xa os 857, case o dobre que en 2012. Incide en que a través da futura normativa que regulará o sector non só se protexerá o seu valor patrimonial, senón que se seguirá traballando para que continúe xerando emprego de calidade. O encontro, organizado pola Xunta no conxunto histórico-artístico dos Pendellos, permite afondar durante tres días nas sinerxías coa gastronomía e a música.
O encontro Corazón da Artesanía celebra desde mañá en Agolada a súa décima edición unindo oficios tradicionais, gastronomía e música
A Xunta de Galicia organiza no conxunto histórico-artístico dos Pendellos esta iniciativa na que se amosará entre mañá e o domingo o traballo de 53 artesáns de 25 oficios diferentes, e no que haberá 31 expositores de produtos gourmet. As actividades de Artesanía no Prato comezan mañá venres con dúas demostracións da cociñeira do Grupo Nove Bea Sotelo. O programa da primeira xornada botar a andar ás 11:00 e remata ás 22:00 horas cunha actuación musical de Zumaque na Praza do Concello.
A Xunta promove a comercialización de Artesanía de Galicia nunha tenda efémera en Sanxenxo en colaboración coa firma téxtil D-due
O Pop Up Artesanía de Galicia & D-due inclúe pezas de 47 obradoiros artesanais galegos e especializados en olería e cestería tradicional, madeira, tecido, madeira, vidro, estampaxe ou coiro, entre outros
A gastronomía de vangarda volve compartir espazo coas pezas de Artesanía de Galicia nos Pendellos de Agolada
O encontro Corazón da Artesanía, que se celebra esta fin de semana, inclúe demostracións gastronómicas de Artesanía no Prato con recoñecidos chefs galegos como Bea Sotelo, Héctor López, Javier Rodríguez Ponte “Taky” e Jorge Gago. Empregaranse como soporte produtos de 11 obradoiros de Artesanía de Galicia e alimentos gourmet, de Galicia Calidade e de PescadeRías. O X Encontro da Artesanía Tradicional e Popular de Galicia inclúe tamén unha sesión de coctelería a cargo do hostaleiro Willy Gómez
