Novas
A Xunta subliña o papel da mostra Alfaroleiros na divulgación do oficio artesanal da olería
A xerente da Fundación Artesanía de Galicia, Elena Fabeiro, visitou esta mañá o evento no que participan 23 profesionais de olería e cerámica de diferentes zonas de España e Portugal, entre os que se atopan 5 obradoiros da marca Artesanía de Galicia.
A Xunta ultima a estratexia para salvagardar e poñer en valor o conxunto do patrimonio marítimo galego
O conselleiro do Mar inaugurou o XVI Encontro de Embarcacións Tradicionais de Galicia. O titular de Mar sinala que está en fase moi avanzada o Plan da Cultura Marítima de Galicia Horizonte 2030, composto por un centenar de medidas. Alfonso Villares destacou que o mar vai máis aló da xeración de riqueza e emprego na comunidade autónoma e forma parte da súa identidade.
A Fundación Artesanía de Galicia tamén colabora nas xornadas de Culturmar con demostracións de carpintería de ribeira e unha feira de obradoiros.
O foro resonancias 23 bota a andar en Tui centrado no emprego de madeiras galegas na construción artesanal de instrumentos musicais
A xerente da Fundación Artesanía de Galicia, Elena Fabeiro, participou esta mañá nunha das mesas redondas desta terceira edición do Foro Profesional de Instrumentos Musicais, impulsado pola Xunta no marco do XVII Festival Música no Claustro
A Xunta subliña o papel de Mostrart como unha das feiras de referencia na comercialización e na consolidación da marca Artesanía de Galicia
O director xeral de Comercio e Consumo, Manuel Heredia, e a xerente da Fundación Artesanía de Galicia, Elena Fabeiro, participaron esta mañá na inauguración da 39ª edición de Mostrart, que se celebra na Coruña ata o 27 de agosto. Poderase ver o traballo de 53 profesionais especializados en oficios coma o coiro, o tecido, a xoiería, os xoguetes, a cerámica, os arranxos florais ou os complementos de moda, entre outros.
A Xunta destaca o papel do encontro de torneiros de Xermade como cita de referencia do sector en Europa
A xerente da Fundación Artesanía de Galicia, Elena Fabeiro, participou esta mañá na presentación do XXIII Encontro Internacional de Torneiros de Galicia, que se celebrará os días 15, 16 e 17 de setembro. Na programación deste ano incluiranse demostracións de profesionais de prestixio como Stewart Furini, Jean Claude Charpignon e Paco Boyero, así coma do torneiro galego Lolo Castro, gañador do Premio Traxectoria nos Premios Artesanía de Galicia.
