Novas
A Xunta promove a vinculación dos oficios artesanais e da circularidade na industria da moda
A xerente de Artesanía de Galicia, Elena Fabeiro, asistiu en Rianxo ao taller creativo Deseñando circularidade, impulsado por MuyMonito e D-due en colaboración coa Vicepresidencia segunda e consellería de Economía, Industria e Innovación, no marco do New European Bauhaus Festival. O obxectivo do evento é divulgar entre os máis novos os principios do deseño circular e as posibilidades de integrar prácticas sostibles nos procesos produtivos industriais.
A Xunta impulsa a formación técnica dos xoieiros galegos nunha xornada sobre regulación de obxectos fabricados con metais preciosos
O director xeral de Comercio e Consumo, Manuel Heredia, participou hoxe na inauguración dunha xornada técnica organizada pola Federación Galega de Xoieiros, Prateiros e Reloxeiros na que se debateu sobre o marco normativo do sector. Na súa intervención, o director xeral destacou que a Vicepresidencia primeira ten a disposición de comerciantes e artesáns unha liña de axudas dotada de 6 millóns de euros para incrementar a dixitalización e mellorar e personalizar o servizo ao cliente.
A Xunta activa o programa de axudas por 6 M€ para a transformación dixital e a modernización do sector comercial e artesán galego
O director xeral de Comercio e Consumo, Manuel Heredia, participou esta mañá nun webinario organizado en colaboración coa Federación Galega de Comercio para informar da convocatoria, aberta desde hoxe ata o próximo 23 de xuño. Mediante esta iniciativa, que incrementa o seu orzamento nun 20% con respecto ao ano pasado, apoiaranse actuacións como a implantación e o mantemento de páxinas web, márketing dixital, loxística ou xestión de redes sociais, ademais da adquisición de equipamentos.
A Xunta abre a inscrición para os cursos de formación especializada que se impartirán no encontro Corazón da artesanía en Agolada
O mestre do coiro José Luis Bazán, Premio Nacional de Artesanía 2021; o obradoiro compostelán Noroeste Obradoiro, Premio Produto 2021; a cesteira Simone Simons, especializada no traballo co esparto; e os obradoiros Logaro e Zeltia ao aire impartirán os cursos para profesionais, estudantes e público interesado na artesanía. A iniciativa desenvólvese no marco da programación do IX Encontro de Artesanía Tradicional e Popular de Galicia, que se celebrará nos Pendellos de Agolada os días 8, 9 e 10 de xullo e contará coa participación de 43 expositores de artesanía e 30 de produtos de alimentación. No evento tamén se inclúen obradoiros gratuítos abertos ao público infantil e adulto sobre elaboración de sanandresiños, xoguetes de madeira, tecido, torno cerámico e cestería colaborativa, este último, impartido pola cesteira Idoia Cuesta, Premio Artesanía de Galicia 2021.
A Xunta activa axudas por 265.000 euros para impulsar a comercialización nacional e internacional do produto artesán galego
O director xeral de Comercio e Consumo, Manuel Heredia, e a xerente de Artesanía de Galicia, Elena Fabeiro, presentaron esta mañá en Santiago os apoios para a organización e a participación en feiras. A convocatoria está aberta ata o 13 de xuño e dirixida a titulares de obradoiros artesanais, concellos e asociacións de artesáns
