Entre o 8 e o 10 de xullo, 42 obradoiros de Artesanía de Galicia de diferentes oficios e unha trintena de expositores de produtos de alimentación participarán nun evento no que se pon en valor a artesanía tradicional galega e a súa interrelación con outras disciplinas como a gastronomía. O Premio Nacional de Artesanía, José Luis Bazán, e as recentemente galardoadas Idoia Cuesta e Jose Castro impartirán diferentes cursos de formación durante toda a fin de semana. A Xunta organiza o Corazón da Artesanía. IX Encontro da Artesanía Tradicional e Popular de Galicia, que se celebra desde o venres 8 ata o domingo 10 de xullo no recinto histórico dos Pendellos de Agolada (Pontevedra). O Encontro, impulsado a través da Fundación Artesanía de Galicia, consolídase en cada edición como un evento de referencia na divulgación e na posta en valor dos oficios artesanais galegos, especialmente naqueles máis tradicionais.

A Xunta colabora na organización de varios mercados de artesanía que se celebrarán nos meses de xullo e agosto en diferentes localidades costeiras de Galicia, dedicado ás mulleres artesás galegas. A primeira das feiras celébrase mañá domingo na praia de Lourido (Poio), en horario de 11:00 a 20:00 horas.

Na Sanxenxo Summer Shop Artesanía de Galicia & D-due pódense mercar pezas dunha trintena de obradoiros artesáns desde hoxe e ata o 31 de agosto. Por segundo ano consecutivo, esta iniciativa ofrecerá unha mostra do talento galego e da alta calidade da moda, do feito a man e da artesanía galega.

O IX Encontro da Artesanía Tradicional e Popular, que se celebra nos Pendellos de Agolada do 8 ao 10 de xullo, inclúe ‘showcookings’ de recoñecidos chefs galegos como Lucía Freitas, Héctor López, Javier Rodríguez Ponte “Taky” e Álvaro Fuentes. No marco do proxecto Artesanía no Prato, empregarán pezas de Artesanía de Galicia como soporte das súas elaboracións. O evento contará coa participación de 57 artesáns de 27 oficios diferentes e 31 expositores de produtos de alimentación, así como con talleres abertos de iniciación aos oficios artesanais, cursos especializados e actuacións musicais. A oferta gastronómica complétase con 31 expositores de produtos gourmet e tres food-trucks.

O director xeral de Comercio e Consumo, Manuel Heredia, participou esta tarde na Coruña na performance protagonizada pola chef Lucía Freitas, pola ceramista Laura Delgado e pola cesteira Idoia Cuesta, impulsada pola Xunta de Galicia no marco do proxecto Artesanía no Prato.