Novas
Un total de 16 obradoiros de artesanía forman parte da guía Homo Faber da excelencia da artesanía europea
Profesionais galegos especializados na cerámica, na madeira, no coiro, na iluminación, no téxtil e na elaboración de zocos atópanse entre as recomendacións desta guía que impulsa a Fundación Michelangelo para a Creatividade e a Artesanía. A Homo Faber é unha plataforma que propón descubrir Europa a través da visita aos espazos de traballo dos artesáns, galerías, museos e experiencias vinculadas á artesanía de alta calidade. O obradoiro de coiro de Santiago Besteiro (Monterroso) está presente nunha das exposicións que integran o evento internacional Homo Faber, que se celebra en Venecia ata o 1 de maio.
Trenor destaca o papel da Mostra do Encaixe como plataforma de divulgación e de renovación do oficio
A Xunta colabora habitualmente neste encontro que está consolidado como un im-portante escaparate da marca Artesanía de Galicia e un dinamizador económico da zona e do sector artesán galego. O delegado da Xunta invitou a todos os que aínda están a sopesar plans de última hora a visitar este evento porque é un acerto garantido para descubrir a beleza dos encaixes, a mellor gastronomía e a hospitalidade deste concello.
A Xunta impulsa en Muros obradoiros de bordado, estampaxe e pintura sobre madeira para achegarlle a Artesanía de Galicia á sociedade
A xerente de Artesanía de Galicia, Elena Fabeiro, visitou hoxe no Muíño das Mareas do Pozo do Cachón os talleres gratuítos e sen necesidade de inscrición previa que se celebran ata este venres en colaboración co concello muradán
A Xunta ofrece formación online aos profesionais da marca Artesanía de Galicia
A Administración autonómica pon á súa disposición 105 prazas de formación especializada en márketing dixital, fotografía, deseño e presenza dixital, a través de cinco cursos que se desenvolverán entre abril e maio.
A Xunta convoca os Premios Artesanía de Galicia 2022 para recoñecer a traxectoria e o talento do sector artesán galego
O Premio Artesanía de Galicia, dotado con 9.000 euros, está destinado a unha obra ou colección realizada por un obradoiro artesanal; o Premio Traxectoria, de carácter honorífico, é un recoñecemento do sector á experiencia na práctica ou na divulgación dun oficio; e a Bolsa Eloy Gesto está dotada con 4.000 euros para a formación dun profesional que non supere os 40 anos de idade. As candidaturas poderanse presentar entre o 17 e o 28 de outubro de 2022, tal e como se recolle na convocatoria publicada hoxe no Diario Oficial de Galicia.