A Xunta destaca a grande repercusión económica e de promoción que este encontro supón para os artesáns, grazas á visita de prescritores, xornalistas, grandes empresas e tendas especializadas. Nesta novena edición destacou a ampla renovación dos expositores, que superou o 40%, cun total de 18 expositores de Artesanía de Galicia que participaban por primeira vez. O programa deste ano amosou o traballo dun total de 57 artesáns de 27 oficios diferentes, e contou con 31 expositores de produtos gourmet. A iniciativa Artesanía no Prato, coa que se promoven as sinerxías entre Artesanía de Galicia e gastronomía, contou con showcookings de catro prestixiosos cociñeiros galegos.

O vicepresidente primeiro e conselleiro de Economía, Industria e Innovación, Francisco Conde, asistiu esta mañá ao acto de inauguración do evento, que se celebrará desde hoxe ata o domingo, 10 de xullo. Anima a achegarse ao encontro para gozar da paixón e o talento dos artesáns e artesás participantes.

A Xunta organiza a novena edición do Encontro da Artesanía Tradicional e Popular de Galicia, no que se amosarán de venres a domingo, o traballo de 57 artesáns de 27 oficios diferentes, así como o de 31 expositores de produtos gourmet. As actividades de Artesanía no Prato comezan mañá venres con dous showcookings a cociñeira do Grupo Nove, Lucía Freitas, e cunha cata de viños certificados por Galicia Calidade a cargo da enóloga Cristina Murga. O programa bota a andar ás 11:30 horas e rematará a partir das 22:00 coa actuación musical de Aparato DJ Set na Praza do Concello.

Entre o 8 e o 10 de xullo, 42 obradoiros de Artesanía de Galicia de diferentes oficios e unha trintena de expositores de produtos de alimentación participarán nun evento no que se pon en valor a artesanía tradicional galega e a súa interrelación con outras disciplinas como a gastronomía. O Premio Nacional de Artesanía, José Luis Bazán, e as recentemente galardoadas Idoia Cuesta e Jose Castro impartirán diferentes cursos de formación durante toda a fin de semana. A Xunta organiza o Corazón da Artesanía. IX Encontro da Artesanía Tradicional e Popular de Galicia, que se celebra desde o venres 8 ata o domingo 10 de xullo no recinto histórico dos Pendellos de Agolada (Pontevedra). O Encontro, impulsado a través da Fundación Artesanía de Galicia, consolídase en cada edición como un evento de referencia na divulgación e na posta en valor dos oficios artesanais galegos, especialmente naqueles máis tradicionais.

A Xunta colabora na organización de varios mercados de artesanía que se celebrarán nos meses de xullo e agosto en diferentes localidades costeiras de Galicia, dedicado ás mulleres artesás galegas. A primeira das feiras celébrase mañá domingo na praia de Lourido (Poio), en horario de 11:00 a 20:00 horas.